لعبة Final Straegy من الألعاب الاستراتيجية المميزة التي جاءت من إبداع شاب عربي استطاع لوحده ابتكارها وجذب اهتمام متابعينا في وسائل التواصل الاجتماعي، ولكن كيف تم تطوير اللعبة وما هو مستقبلها؟ نناقش كل ذلك وأكثر مع مطور اللعبة الذي كشف لنا تفاصيل مشوقة كثيرة عن اللعبة وتجربته مع تطويرها.
هل يمكنك أن تخبرنا عن نفسك أكثر وتجربتك مع تطوير الألعاب؟
اسمي محمد، عمري 26 سنة، ودارس هندسة معلوماتية. بلشت بمجال تطوير الألعاب بالـ 2020، بالبداية ركزت على ألعاب الموبايل لحتى أتعلم وطّور خبرتي خطوة بخطوة.
ومع الوقت انتقلت لشغل مشاريع أكبر لحد ما بدأت تطوير Final Strategy.
كيف يمكنك أن تصف ما يميز Final Straegy عن غيرها من الألعاب الاستراتيجية؟
اللعبة بتمزج بين أسلوب الاستراتيجي الكلاسيكي وبين إنك تتحكم بأي جندي أو دبابة أو مركبة بشكل مباشر، وهاد الشي بيعطيك
حرية كبيرة بتحريك المعركة بالطريقة اللي بدك ياها.
غير هيك، اللعبة مركّزة على واقعية الوحدات: حركة الجنود، تفاعلهم، زوايا الرؤية، أنواع الأسلحة، والمدى الحقيقي لكل شي…
كل وحدة إلها خصائص دقيقة بتأثر فعليًا على سير القتال. هالشي بيعطي شعور إنو كل قرار إلك إلو وزن وتأثير حقيقي بالمعركة.
___
لا تفوت: حصري: مقابلة مع فريق تطوير Monster Hunter Wilds ومعلومات غير مسبوقة عن اللعبة
___
لماذا اخترت نمط الألعاب الاستراتيجية تحديدًا لهذا المشروع؟
لأنو هاد النوع من الألعاب هو اللي ربيت عليه وبحبه من زمان. وبشوف إنو فيه مساحة كبيرة للإبداع من ناحية الذكاء
الاصطناعي، وتمركز الوحدات، وإدارة المعركة.
حبيت قدّم لعبة بتحسّسك إنك قائد.. وبنفس الوقت فيك تفوت شخصيًا جوّا القتال
وتتحكم بكل شي بيدك.
ما هي أكبر التحديات التي واجهتك أثناء التطوير؟
أكبر تحدي كان بناء الذكاء الاصطناعي والفيزياء بشكل واقعي بدون ما يتأثر الأداء، خصوصي كوني عم أشتغل لحالي.
غير هيك، موازنة الأسلحة والمركبات أخدت وقت كتير من التجارب لحتى يصير كل شي موزون وممتع. تطوير محتوى كبير بإمكانيات
محدودة كان تحدي إضافي، بس الحمد لله مشت.
هل عانيت من مشاكل كمطور عربي في الوصول إلى متجر ستيم؟
أي أكيد. بالبداية كان في حظر كامل على المطورين السوريين إنن يعملوا حساب مطوّر على ستيم. وهاد الشي فني
وق فترة طويلة.
بس بعد ما انرفعت العقوبات وصار في إمكانية نفتح حسابات رسمية، قدرت كمل الشغل واعمل صفحة للعبة بطريقة نظامية بدون
مشاكل.
ما هو مستقبل Final Straegy؟ هل تخطط لتوسيع اللعبة؟
طبعًا. الخطة الحالية تشمل إضافة خرائط جديدة وتحسين نظام القتال.
وبالإضافة لهالشي، في خطط لإضافة جيوش جديدة بوحدات مختلفة وتكتيكات جديدة، لحتى يصير اللعب متنوع أكتر ولكل جيش
شخصية وأسلوب لعب خاص فيه.
الهدف إنو اللعبة تضل تكبر وتتطور مع الوقت.
أخبرنا إن كان لديك تعليقات أخيرة لمجتمع اللاعبين
بحب أشكر كل شخص دعم المشروع أو شاركني رأيه وملاحظاته. هالدعم هو اللي بخلي طاقتي تزيد وكمل تطوير اللعبة وقدّم
تجربة مميزة.
إن شاء الله تعطيكم متعة حقيقية وتستحق وقتكم، وتبين شغفي الكبير بالألعاب الاستراتيجية.
نشكر محمد على هذا الوقت الذي أمضاه معنا للإجابة عن الأسئلة. يمكنكم تصفح الصفحة الرسمية للعبة ودعمها من هنا.